லக்ஷ்மிக்கு’ தாமரையின் தராசு.


 https://youtu.be/vP5dOY42DKI
  இந்த லக்ஷ்மி குறும்படத்தின் கருத்துகணிப்பு வயது ரீதியாகவும் ,வளர்ந்த சூழல் சார்ந்தும் மாறுபடும்.சேகர்களை விட கதிர்களே இச்சமுதாயத்தில் அதிகம்.                                        
   இயந்திரத்தனமான வாழ்வு மன சிதைவையும் சுணக்கத்தையும்  கொடுத்தே தீரும் .மறுக்க முடியாத உண்மை.அதை கையாள்வதில் இரண்டு வகை அணுகுமுறை இருக்கும்.அறிவுபூர்வமானதாக கருதப்படும் [IQ based –intelligent quotient] மற்றும் உணர்வுபூர்வமான அணுகுதல்[EQ based-emotional quotient].எல்லா நிகழ்வுகளுக்கும் முதல் வகை அணுகுமுறை உதவாது.மேலும் அபத்தமாகவும் இருக்கும்.எடுத்துக்காட்டாக தன் கணவனை இழந்த பெண்ணிடம்,” ஆன்மாவுக்கு அழிவில்லை, பிறப்போர் எல்லாம் இறந்தே ஆக வேண்டும்.இதுவே நியதி “ என்று வேதாந்தம் ,சித்தாந்தம் பேசுவது வெந்த புண்ணில் வேல் பாய்ச்சுவது போலாகும்.அதே நேரத்தில் ,”உன்னுடைய இழப்பு ஈடு காட்ட முடியாதது தான் ,உன் குழந்தைகளின் எதிர் காலத்தை வளமாக்கி தருவதற்கு நீ இரட்டிப்பு சக்தியுடன் செயல் படவேண்டியுள்ளது” எனும் இரண்டாவது வகை ஆறுதல் பலம்மிக்கது ,பலனளிப்பது.தற்கொலை எண்ணம் வரும் நேரம் EQ வை IQ மிஞ்சவேண்டும்.
      இப்படத்தில் லக்ஷ்மியின் நிலை வருந்துதலுக்குரிய நிதர்சனமான பரிதாபமே.ஆனால் தீர்வு அவள் தேர்வு செய்ததன்று.அதுவா பெண் சுதந்திரம் இல்லவே இல்லை அது self exploitation ஆகும் . ஒரு ஆண் செய்யும் எதையும் கண்ணாடி பிம்பமாய் பெண் பிரதிபலித்தால் தான் பெண்ணுரிமை என எந்த முட்டாள் வரையறுத்தது.உதாரணமாக தந்தை தன் 14  வயது மகளை பாலியல் வன்கொடுமை செய்த நிகழ்வுகளை அறிவோம் .அச்செயலுக்கு இணையாய் ஒரு தாய் தன் மகனுடன் உறவாடல் சாத்தியமா.இதுதான் பெண் சமஉரிமையா ?பெண் சுதந்திரமா?.
     தனக்கான சம்பாத்தியம் இருக்கும்”லக்ஷ்மிகளால்” தன் சூழ்நிலை  விலங்கை நேர்மையாக , நெறியாக ,தனி மனித ஒழுக்கத்தோடு அறுத்தெறிய முடியாதா?.”ரௌத்திரம் பழகு” எனும் அதே பாரதியின் வெகுண்ட சக்தியாய் “சேகர்களை” வீசியெறிந்து நிர்பந்த சங்கிலியை வெட்டியெறிய முடியாதா?.உரிமையை போல தனிமனித ஒழுக்கமும் ஆணுக்கும் பெண்ணுக்கும் சமமே.தறிகெட்டு நெறிகெட்டு நிலைநாட்டும் சுதந்திரம் வெறுக்கத்தக்கது ,அருவருக்கத்தக்கது.
  லக்ஷ்மியின் செயல்பாடு சரியெனில், சேகருடன் தொடர்பு கொண்டிருக்கும் இன்னொரு பெண்ணும் சரிதானே.....
  கதிர்களுக்கும் ,கள்ளத்தொடர்பாளர்களுக்கும் பெரிதாய் ஒன்றும் மதிப்பீடு வித்தியாசம் இல்லை.பலகீனத்துக்கு ஆறுதலாய் இருப்பவன் யோக்கியன்.ஆறுதலை அடுத்த கட்டத்துக்கு கொண்டு செல்பவன் அதன் எதிர்மறை.எனினும் பூனையில் சைவம் இருப்பதாக இதுநாள் வரை தகவல் இல்லை..........                                           

---தாமரை குணாளன் --

Comments

  1. அவள்13 November 2017 at 08:56

    சிறுகதை "லக்ஷ்மி" பற்றி சிறந்த விமர்சகம .. மேடம், சிறந்த ஒன்று

    ReplyDelete
    Replies
    1. வீனஸ் டைரி13 November 2017 at 09:26

      நன்றி.தொடர்ந்து அளவளாவலாம்.

      Delete
  2. nanjil hameed15 November 2017 at 06:11

    உங்கள் விமர்சனம் கண்டபின் லக்ஷ்மியும் பார்த்தேன் .ஒரு வேலைகாரியாய் மட்டுமே கணவன் அவளை காண்கிறான் .
    அன்பு இருக்கும் இடம் மனம் தாவுவது இயல்புதானே .தவறு ,சரி என எதுவும் நான் சொல்ல வரவில்லை.
    தொடர்ந்து நிறைய எழுதுங்கள் தோழி .
    ஷாகுல் ஹமீது

    ReplyDelete

Post a Comment

Popular posts from this blog

கர்மா

Image
                                                                            வினை விதைத்தவன் வினை அறுப்பான் ,தினை விதைத்தவன் தினை அறுப்பான். விதையின்(கர்மா) அறுவடை(பலன்) நாளானது ஒவ்வொரு விதைக்கும் மாறுபடும் .சில விதை உடனே முளைக்கும், சிலது வருடக்கணக்கில் காத்திருந்து முளைக்கும்.     மரம்,செடி,கொடி,வேளாண்மை போலில்லாமல்  கர்மாவில் துரதிஷ்டவசமாக, விதைக்கப்படும் எல்லா விதைகளும் முளைத்தே தீரும். அறுவடை செய்யவே பணிக்கப்படும்.அறுவடைக்கான கருவி அவரவராகவே இருக்கலாம் அல்லது வேறு ஒருவராக இருக்கலாம் .கர்மா என்பது விதைப்பது மட்டுமல்ல ,விதைத்ததன் பயனை அனுபவிப்பதும் தான்.      ஜனனம் , [ வாழ்க்கை ] பயணம் , மரணம் , மறு...
Read more

மடந்தை

Image
மடந்தைக்கு யாண்டே பதினைந்து முதலாத் திடம்படும் ஒன்பதிற் றிரட்டி செப்பும். ’ ’’   [ 15 -18]    வீட்டுக்கு வீடு வாசப்படி” என்பது போல் சொல்லொணாத்துயரங்கள் இல்லாத மானுடபிறவியே இல்லை எனலாம். எல்லாக் கடின முயற்சிகளும் தோற்ற பின்னரே ஜாதகம் ,ஜோசியம் , பூஜைகள் ,வண்ண வண்ணமாய் அதிர்ஷ்ட கற்கள் என மனித மனம் அடைக்கலம் தேடும்.அப்படி நிர்கதியாய் நின்ற ஒரு வயது முதிர்ந்த உறவினருக்காக ‘அவளுடைய ‘ தாய் அந்த 40  வயது ஜோசியரை வீட்டுக்கு வரவழைத்தார் .ஆர்வக்கோளாறாகிய அவள் பெரியவர்களுடன் அமர்ந்து ஒன்றும் புரியாவிடினும் வாய் பார்த்து அமர்ந்திருந்தாள்.அவர்களுக்கு பல விஷயங்களை விளக்கி சொல்லும் போதே “பாப்பா யாரு?என்ன படிக்குது? என்றவாரே செல்லமாய் முகவாய் தொட நீண்ட கைகளிலிருந்து வெடுக்கென நகர்ந்து அமர்ந்தாள். வயதுக்கு மீறிய ‘முதிர்ச்சி மூளை’ அவரை கண்காணிக்க தொடங்கியது .ஆனால் முழுமையாக ,தெளிவாக விளங்கவில்லை.அந்த உறவினரின் மகனுக்கு பெண் எப்படி இருக்க வேண்டும் என்று விவரித்துக் கொண்டே “நீங்க என்ன பண்ணுங்க , பெண் பாக்க போகும்போது அந்த பெண்ணோட பேச்சு குடுத்துகிட்டே இப்படி தொட்டு பாருங்க” என சட...
Read more

பேதை

Image
பேதை           ‘பேதைக்கு யாண்டே ஐந்துமுதல் எட்டே.5 முதல் 8 வயது வரையிலான பெண் பருவத்தை  பேதை என சங்க இலக்கிய குறிப்பு தெரிவிக்கிறது.                  அவளுக்கு அப்போது 6 வயது. பள்ளியில் சேர்க்கவில்லை.4 வயதில் L.K.G சேர்க்கப்படும் 80 களில் இளையோர் கல்வி கற்க தொடங்கி சீருடை அணிந்து பள்ளி செல்லும் காலத்திலும் கல்வியின்றி பட்டாம்பூச்சியாய் பறந்து திரிந்துகொண்டிருந்தாள்.தாய்மைக்கே உரிய தவிப்புடன் அவள் தாய் தவியாய் தவித்திருந்தார் பள்ளியில் சேர்க்க.அந்த சிறிய ஊரில் கான்வென்ட்டுக்கு  இணையான ஒரு சிறந்த பள்ளி உண்டு.அப்பள்ளியில் பிள்ளைகளை கொண்டு விட பட்டம் பெற்ற  பெற்றோரே  அஞ்சுவர்.ஏனெனில் அப்பள்ளி நிர்வாகத்தின் முக்கிய பொறுப்பாளர் சின்ன மிஸ் என்று அழைக்கப்படுபவர் ஆங்கிலோ இந்திய பெண்மணி.ஆங்கிலம் மட்டுமே பேசுவார்.இப்படியே பயந்தால் பிள்ளை தற்குறியாகிவிடுமே என கலங்கினார் தாயார் ,ஆங்கில எழுத்துக்களையும் ,'ஏ' -ஆப்பிள் என்ற எழுத்து அடையாள பாடத்தையும் சொல்லிகொடுத்து கூட்டிச் சென்றார் அந்த E.S.L.C தாய்.அட்மி...
Read more